Kategorien-Archiv: Basler Zeitung

Der Seppi, wo sich no immer gege s Impfe weert, säits allne, wo s wäi ghööre – und au deene, wo s nümme chönne ghööre: «Für mii sy alli Mensche glyych. Öb gimpft oder ungimpft.» Das isch so lang guet gange, bis as d Friidi verjaggt hed. D Friidi isch nämmlig, politisch gseh, eenter nit […]

Daas au no. Und erscht no um d Wiehnechtszytt. Es döigi schyyns e Chatzebandi in der Geegend umme wildere. Die döige Rääiel und und Chatzebuuseli, wo dussen ummedyychle, yysammlen und was wäis ich dermit mache. Doon e Voorschlaag an alli Chatzehalter. Machets doch wie mit de Hünd. Näämed d Büüsi an d Lyyne, wenn der […]

Stäärnenaabenander. Daas mues aber es Laschter syy, as sich z Laufe hinde rund 100 Göiggel wäägen ihre d Chöpf yyschlöie und im Züüg umme gragööle. Numme. D Schleegerei isch nit ganz z Grächt gsii. Drei dapferi Äidgenosse gege 97 Albaner. Das isch doch käi Schleegerei. D Schwyzer wäärden allwääg chuum gege die Übermacht uffchoo syy. […]

Jetz isch der Sämi vom Chueblätterhof bi den Oofewüscher hinde doch e chly noochdänklig worde. D Lyysebeet, die wo allewyyl alles wäiss, hed ihm vor der Cheesi gsäit, as die Dütschi Homöopatischi-Union zum Impfe gege Corona ufrüefi. Das hed der Sämi jetz aber uf em falsche Fuess verwütscht. Är, wo nit gimpft isch und glaubt, […]

D Covid-Apstimmig isch umme. Der Bulverdampf isch langsaam am Verrauchne. Wie allewyyl gits deere, wo günne, und deere, wo verliere. E zimmligs Näggi hed die gröschti Bartei, die wo aagääblich s ganze Volch verdrätte, yygfange. Statt jetz aber drüber noochezdänke, worum me son e gruusigi Schlappen yyzooge hed, schwauderet der Breesi vo der Volchsbartei öbbis […]