Jahresarchiv: 2007

Fröie mir öis uf d Früünd, wo mir s neecher Joohr uus halb Europa yyglaade hei. Mit öis fröie sich nämmlig non e huffen anderi. Zum Byspiil dr Tschechisch Hopfebuur, dr Ungarisch Gäärschtenaabouer, dr Däänisch Braumeischter und dr Italiänisch Bierhumpehärsteller. Ganz verruckt fröit sich sicher scho dr Dyräckter vo dr chineesische Blaschtiggartestuelfabrik. Er weiss nämmlig, […]

Grad richtig uf d Wienecht aane hei sie bi dr SBB en Ängel aagstellt. Nit es Tschuppellyysi, wo am Moorgge d Auge nit uufbringt, oder es hochnääsigs Haaghuuri. Nei. Es hei numme no d Flüügel gfeelt und de hättischs Gfüül ghaa, es schwääbt e leibhaftige Cherub vorander duure. Dr hinderscht und letscht Schwarzfaarer verwandlet sich […]

Ohäie, jetz cha dr Cholderi nümm wyyter im Bundesroot choldere. Dr Räscht vom Staab cha d Chralle wetzen oder sich wiider uufbluuschtere wie Güggel. Dr Cholderi duet iine nümm eis- ums andermool d Hüener yy. De Chätzer het halt gwüsst, wie me de Müüs dr Späck duurs Muul zieht. Wenn er albe so richtig in […]

Mir hei lang gwäärwäised, was ächt öisi liebe Noochbere hüür für e Wienechtsbelüüchtig mondiere. S letscht Joor häi sie numme son en äifachi Liechterchetti um e Fänschterraame glyyret ghaa. Nüt Apaartigs halt. Aber ohalätz, ich muess sääge, hüür häi sie d Füchs uusegloo. Sit e baar Daag bambelet bi iinen e Blaschtiggschneemaa innefer an dr […]