Kategorien-Archiv: Volksstimme

Die alte wysse Manne

Soo. Wie ischs jetz so as Baselbieter Maa, wenn äim e Frau z Bärn ooben as Ständeröötin verdritt? Schloot jetz s Zuckerbapyyr ändgültig ap? Überhaupt. Wie goots äim so as Maa in der hüttige Zytt? Bruuchts öis Manne – ämmel die öltere – überhaupt no? Sy mer emänd gaar en ustäärbendi Speezies? Oder sy mir […]

In Volksstimme veröffentlicht | Kommentieren

Apsunderligi Mensche

Ich ha mii no gwunderet, ass ich scho lenger nüt me vom Noldi vom Chlöpfgatterhof ghört ha. Die letscht Wuche hed är sy aber denn wiider gmäldet. Zimmlig verdäupt. Won ich ihn gfrogt haa, was bassiert isch, säit är, ich sell zuenem uufechoo. Är hed in der Stuuben uf mii gwaardet. Noodääm er öis e […]

In Volksstimme veröffentlicht | Kommentieren

Suufer

«Clean in einer Woche». Ohalätz, han ich dänkt, won ich die Überschrift in der eltischte Zyttig vo der Schwyz glääse haa. Doo gohts um Süffel. Oder no schlimmer, um Droogenaphängigi. Won ich haa afo lääse, han ich aber glyy gmerkt, ass s nääbe de Suufludi und Dröögeler non e dritti Kategoryy Aphängigi git. Die, wo […]

In Volksstimme veröffentlicht | Kommentieren

D Huldi

Sii lääsi nummen über e Noldi vom Chlöpfgatterhof und fascht nie vo der Huldi, syner Frau, hed mer en uufmerksaami Lääsere vo myner letschte Mundartkolumne gschriibe. Joo. Doo hed sy allwääg scho rächt. Numme. D Huldi stoht halt nit so gäärn im Rampeliecht. Sii luegt, ass uf em Hoof alles z grächtem zue und hääre […]

In Volksstimme veröffentlicht | Kommentieren

Der Mirabellebaum

Der Noldi vom Chlöpfgatterhoof isch bangsioniert. Guet. E Buur isch natüürlig nie bangsioniert. Uf em Hoof gits jo allewyyl öbbis z due. Und so wie me d Buure kennt, hed me jo mängisch s Gfüehl, sy syge die äinzige, wo schaffe. Aber löie mer das. Sy Frau, d Huldi, lyt em efange jeede Daag in […]

In Volksstimme veröffentlicht | Kommentieren