Jahresarchiv: 2021

Schnuurepflutteri

Zää Stund häi die letscht Wuche d Nationalröötyyne und d Nationalrööt der Schnuurepflutteri ghaa. Die Gaalaffe und Schnäpfe häi ununderbroche über Corona gschwaafled, gwaaschled und gschnattered. Jeedi und jeede isch jo schlussemänd uf däm Gebiet e Spezialischtyyn oder Spezialischt. Guet. Uusechoo isch am Schluss nüt. Es isch alles esoo bliibe, wies der Bundesroot voorgschlaage hed. […]

In Basler Zeitung veröffentlicht | Kommentieren

Diktator

In der Schwyz hets alsfott meh Diktatore, säägen ämmel e baar Brüehli vo der Buuren- und Mälcherpartei. Äinisch ischs e Bundesroot, denn e Basler Regierigsroot. Doo verstuunt me numme, wievill deere Regänti s bii öis aaschyynend setti umme haa. Aber wemme richtig überläit, goht das jo gar nit mit so vill Diktatore. Glyychzyttig. Also. Dir […]

In Basler Zeitung veröffentlicht | Kommentieren

Vergässe

Joo. Wiider isch nüt gsii mit richtiger Fasnecht. Mit drummle, pfyffe, bänkle und güggle. Numme. Häi die fasnächtlige Läidlüt bim Druure nit äi wichtigi Gruppe vergässe? Der Homo Blaschtigiensis. Die Spinnchäibe nämmlig, wo in akrobatische Verränkige und doodesmuetige Hächtsprüng no die letschti verpflütteredi Orange vo der Strooss uflääse oder es verdrampts Dääfi under em Waggiswaage […]

In Basler Zeitung veröffentlicht | Kommentieren

Äisiidle

Me setti jo mäine, as z Äisiidle nummen Äisiidler het. Nit so am «Sühudiumzug» vom letschte Meentig im Dorf vo der Schwarze Madonna. An «Sühudiumzug» hets nämmlig numme so gwimmlet vo Äi-, Zwee- oder Villsiidler. Z mitts drinn e Mitti-Nationalroot. Klaar. Dorum häisst die Partei allwääg au nöi Mittipartei. Er beröi nüt, säit dä vom […]

In Basler Zeitung veröffentlicht | Kommentieren

Gspüri

Joo. Me chönnt au mäine. E soon es Gschyss wäge däm Zmidaagässe vo der Basler Regierig im Wänkehoof. Schliesslig müse die, noodäm sy bschlosse häi, wo und wenn s gmäin Volch wiider darf usswärts ässe, au mangsche. Was halt jetz aber nit alle verstönde: Worum hed me d Verapschiidig vo de schäidende Regierigsrööt nid chönne […]

In Basler Zeitung veröffentlicht | Kommentieren