Jahresarchiv: 2012

Voor s alt Joor ummen isch, gang iich wie all Joor der Noldi uf em Chrüzchlafter-Hoof go bsueche. Miir nääme denn albe zäämen e zümftige Schluck vom sälberbrennte Burgermäischterli und e Schnääfel Späck mit früschem Buurebroot. Wenn miir zwee denn so gmüetlig zääme hocke, froog iich iin, au daas wie all Joor, waas är denn […]

Ou, jetz bin iich glyych e chlyy verchlöpft. Erschtens, will der Baaselbieter Seckelmäischter der Bättel aanegheit. Daas hed mii weeniger schlimm dunkt. Vill schlimmer isch gsii, as äimool mee d Zyttige tschuld selle syy, as em Finanzminischter der Chraage blatzt isch. Schnäll han iich alli myyni 329 baz-Kolumne duuregluegt, öb iich ächt em Seckelmäischter au […]

S wiird immer vo «Entwicklungshilfe» gschwaafled. Soo, han iich dänkt. Jetz mach iich au emool öbbis in die Richtig. Es mues jo nit immer nöimen im Ussland syy, me chaa au doo Guets due. Statt nöime z Afrikaa emene arme Chind z hälfe, han iich am letschte Wuchenändi as Sissecher z Zunzgen am Wienechtsmäärt ghulfe. […]

Jetz rollt sy wiider aa – d Wienechtsgutzi-Lawyyne. Es wird miir scho jetz gschmuech, wenn iich draadänk, waas für uusgfalleni Gutzi-Kreazioone hüür wiider uf mii zue chömme. Joo iich wäiss, es mäines alli numme guet. Soo wärde miir die neechschte Wuche die verrücktischte Gutzi-Nöierfiindige in gattlige Zelofaan-Seckli aabotte: Orangehöckli mit Hagelzucker vom Himalaya, irakischi Fyyge-Dattle-Schüümli, […]