Kategorien-Archiv: Basler Zeitung

Wenn isch öbber e Schelm? Isch men e Schelm, wenn me zum Byspiil brobiert mit Fasnechstgäld im Chreemerlaade der Föifermocke oder der Chätschgummi z zahle? Oder wenn me bim Jassen oder bim «Eile mit Weile» bschysst? Schwiirigi Froog, gälled. Aber die no vill schwiirigeri Froog isch, wie me deene säit, wo wääge der Corona-Kryyse Gäld […]

D Groossmuetter, s Huldi vom Chlöpfgatterhof, hätti so gäärn ihre 80. mit ihre Liebschte gfyyred. Am liebschten im «Rössli» bimene Schwyynsbroote mit emene zümftige Brootrauft in der Soosse, Häärtöpfelstock und Äärpsli und Rüebli. Zum Apschluss vom Ässe und zum Verdaue hätt sy e Chäärschtler gnoo. Halt esoo wie allewyyl. Ihri Schwiigerdochter, s Bethli hed ihren […]

Soo chunnts halt uuse, wenn alles umsverwoorgge mues günschtig syy. Doo hed me doch würklig bi somene Billigaabieter Lindorchuugele us den USA chönne chauffe. Häi die äigedlig e Knick in der Fichte? Oder ischs ächt eenter esoo, as mer alsfott meh versecklet wäärde. As alsfott meh Äigenutz git, wo öis irgend e Brunz wäi underejuuble. […]

Waas? Käi Moorggesträich? Doon e Voorschlaag, wie mes am Vieri am Moorgge glyych cha lo chrache. Nääme mer aa, der müesst am Achti am Moorgge gon e Darmspieglig mache. Denn müesst der am Vieri am Moorgge vor der Undersuechig die zwöiti Razioon Apfüehrmittel drinke. Und ich sääg öich, wenn der denn – im Dunkle – […]

Der Drougi, er wohnt an der Chlapfchueftelstrooss z Sissech, schrybt sym Fründ, em Friidi, wo am Diilenacherrank z Sissech wohnt, e Brieff. Dä bringt er, wie sich s ghört, z Sissech uf d Boscht. Vo dört goht der Brieff z Nacht, mit em Laschtwaage, ins Brieffzäntrum z Härkinge. Wenn der Brieff sortiert isch, maschinell, goht […]