D Covid-Apstimmig isch umme. Der Bulverdampf isch langsaam am Verrauchne. Wie allewyyl gits deere, wo günne, und deere, wo verliere. E zimmligs Näggi hed die gröschti Bartei, die wo aagääblich s ganze Volch verdrätte, yygfange. Statt jetz aber drüber noochezdänke, worum me son e gruusigi Schlappen yyzooge hed, schwauderet der Breesi vo der Volchsbartei öbbis vo Rücksicht neh uf Verlierer. Näi. In öiser Demokratie säit d Mehrhäit, wos duure goht, und nit d Minderhäit. Drum stimme mir jo ap oder gönge go weele. Das isch doch nit so schweer z verstoh. Oder?
Näggi = Verletzung
schwaudere = leere Reden führen
