Jetz isch der Sämi vom Chueblätterhof bi den Oofewüscher hinde doch e chly noochdänklig worde. D Lyysebeet, die wo allewyyl alles wäiss, hed ihm vor der Cheesi gsäit, as die Dütschi Homöopatischi-Union zum Impfe gege Corona ufrüefi. Das hed der Sämi jetz aber uf em falsche Fuess verwütscht. Är, wo nit gimpft isch und glaubt, as alli Ärzt Quacksalber syy. Statt e Bille z neh, wenn är Gsüchti hed, nääm är lieber e zümpftige Schluck Chrütterschnaps. Guet. Ganz gege s Impfen isch der Sämi nit. Bi syne Chälber hed är weeniger Bedänke, wenn är deene Dierli häimlig Hormon sprüzt.
Chueblätter = Kuhfladen
Oofewüscher = Übername für die Eptinger
