Jahresarchiv: 2019

Die zwöi Wildsoufilet häi in der Brootispfanne schön gattlig vor sich aane bröötlet. Es hed heerlig gschmöckt in der Chuchi. S Söili isch us em hiesige Wald gsii. Alles Bio. Statt Soja, häi die Dierli Äichle, Schnägge und Würm gfrässe, wo sy mit der Naase voraa us em Boode gwüehlt häi. Wääred d Filet langsaam […]

Ich ha im Internet binere Schwyzer Buechhandlig zwöi Bücher bestellt. Vier Daag noo der Bstellig e Mäldig. E soogenannti Statusmäldig: «S erscht Buech hed d Buechhandlig verloo.» Drei Daag spööter die zwöiti Mäldig: «S Buech het glücklich s Kap Hoorn umschifft.» Wytteri drei Dääg spööter: «S Buech isch an Französisch-Guyana verbyy.» Denn ischs e Rung […]

Bi de Wölf oobe hets es zümftigs Dunnerwätter geh. Aber käi Angscht. Me hed sich nit geegesyttig d Chöpf yygschlaage. Me het sächs Mool es Theater ufgfüert, wo «Dunnerwätter über Waldeburg» häisst. Bevors mit em Theater albe loos gangen isch, häi die hungrige Zueschauer chönne Güggeli oder Spanferkel ässe. Das hed em eehemoolige Pfarrer vo […]

Usgrächnet die eehemooligi Buure- und Bürgerbartei haut oorteli dernääbe. Dä, wo s nöischt Wahlblakaat entwoorffe hed, hed nämmlig käi Ahnig vo der Biologie. Dass Määlwürmer e gsunden Öpfel deerewääg aafrässe, chunnt in der Natur nit voor, säit ämmel en Insektekenner vo Agroscope, em bundesäigene Landwirtschaftsforschigszäntrum. Aber velicht isch es esoo, as die, wo das Blakaat […]