Jahresarchiv: 2006

Für die meischte Lüüt bedüütet Zämmenaarbed, as me mitänander redet und denn zäämmen öbbis schafft. Wie mes nit sett mache, gseht men am Byspiil vo Sissech. Dört moorggsen im Momänt die vo dr SBB an dä Bahnschiinen umme und die vom Staat grüüblen ä nöi Underfüehrig nach Zunzge. Ich froog mi numme, wie sich die […]

Wenn s Dramm chunnt, styyge sie immer z erscht yy und blyybe denn wie aagwurzlet an dr Stange bim Ygang chlääbe. Es mahnt mi ä chläi wien Affe an dr Bananestuude. Jede wo hindedraa chunnt, muess mit artistische Verränkige um die Lööli ummechläädere. Meischtes hei sie au non ä Rucksack aa, as öbb si grad […]

D Muetter het ä früsche Chööl gnoh und d Blätter süferlig blanchiert. Denn het sie us Ghacktem Rind und Schwyynigem, emene Weggli, emene Ei und vill früsche Chrüüter es Bräät gchnättet. Uf jedes Chöölblatt het si denn ä zümftige Ruugel Füllig do , s Blatt yygschlaage und es gattligis Päckli gmacht. Dermit s Ganz nit […]

Früeijer, wo d Wält no in Oornig gsi isch, het e Schnuurpfidanten es Büürzi gha und de Maitli müesse byybringe, wie me nääjt und strickt. Hütte het e Schnuurpfidante keis Büürzi me und isch verantwortlich für e Bou vo Spitääler und Dunnäll. Öbbis vom Wichtigschte, wos sie de Lütt hütte muess byybringe, isch, worum die […]

«Läng d Achs und gib im». Dä legendär Usspruch hets Bottebrächts Miggel* amme bruucht, wenns ihm wägen emene überzwäärche Chnorzi dr Nuggi uuseghaue het, irgend e Moorggsicheib d Chirsiläitere schreeg an Baum gstellt het, oder wenn es Fueder Eemd uf e Ranze gheit isch. Will me scho zu sällere Zytt emene Politiker keini Schlötterlig het […]