Kadoliken und Dierschützer finde die nöi Wäärbig mit fette Denner-Hünd nit luschtig. Soo isch s ämmel in der Zyttig gstande. Bi de Dierschützer cha me daas jo no verstoh. Aber bi de Kadolike? Hätte die nit anders z due, as sich um fäissi Bälli z kümmere. Zum Byspiil äntlig emool Liecht in s Dunkle bringe, wie daas jetz genau gsii isch mit em Missbruuch vo Bueben und Mäitli in der Kadoolische Chille. Aber wohrschyynlig isch s eben äifacher, sich über fetti Hünd uufzreege. Statt z luege, wo der äige Hund begraaben isch.
Kadoolike = Katholiken
Bälli = Hund
