Wär hätts dänkt – «Moskau einfach» isch zrugg. Dir mööged öich velicht no erinnere. Mit däm Spruch hed me die Lingge in den 1980er-Johr uf Russland gwünscht (esoo het dennzmool s Pfäfferland ghäisse). Wär wäiss. Wohrschyynlig hed dä Schnuuderi und eehemoolig SVP-Gheiminüt, wo bi de Chaabisstoorze dehäi isch, öbbis verwächslet. Er hed nämmlig der Putin globt und findets allwääg guet, as in der Ukraine Chrieg isch. Bi ihm drifft der Spruch «Moskau einfach» fascht zue – äifach ohni «Moskau». Halt numen äifach.
Schnuuderi = unreifer Kerl, Rotzbube
Gheiminüt = Luftikus
Chaabisstorze = Übername der Münchensteiner