Daas isch jetz schon e chly es bsundrigs Deelifoon gsii. Näi. Nit äis, wo der e Dyychichätzer in schyttrigem Änglisch brobiert, es veraltets Antivire-Programm aazdrülle. Näi. Vill schlimmer. Also. S lütted. Ich nimm ap und es mäldet sich e Frau, wo säit: «Grüessi. My Naamen isch Stäihauer und ich bi vo der Graabstäifirma Granitblock.» Und jetz chunnts: «Häit der Bedarf?“, froggt sy as nächschts. Ich bii baff und sääg, noodäm ich mii e chly erholt haa: «Im Momänt nit. Ich lääb jo no.» Jetz merkt das Schläärpli, as sy sich allwääg verweelt hed. Sy entschuldiget sich und läit uuf. Was ich mii jetz froog: Verchauffe die ächt vill Graabstäi, mit sonere Verchöiffere?
Dyychichätzer = heimtückischer Mensch
schyttrig = schlecht
Schläärpli = untaugliche Frau
