Der Jovan, e Schimmel, isch verschwunde. Äifach soo. Er hed friidlig uf ere Wäid bi de Wölf hinde graased. Underäinisch, am ene Moorgge, isch dä Bygger nümmen umme gsii. D Haltere vom Partbred-Araber-Schimmel nimmt aa, as s Ross gstohle worden isch. Numme. Was macht me mit emene gstibytzte Ross? Nit öbbe, dänk ich. S isch doch vor rund nüün Johr e Skandal ufdeckt worde, will s in der Diefchüehl-Lasagne meh as 60 Brozänt Rossfläisch drinn ghaa hed.
Wölf = Übername der Waldenburger
Bygger = Pferd
