Der Dooni isch z Sissech duur d Begeegnigszone gutschiert- soo, wie das e mänge und e mängi jeede Daag mache. Won ich ihn gfroggt haa, worum är nit über d Bahnhoofstrooss gfahren isch, so wie sich s äigedlig ghörti, säit är: «Das isch vill z gföörlig. Dört hets Fussgängersträiffe und Fuessgänger, wo über d Strooss wäi.» Ahaa, han ich dänkt. Denn also besser duur d Begeegnigszone schnütze. Dört hets jo käi Fuessvolch. Und wenn joo, häi die gfelligscht z waarte, wenn sy über d Strooss wäi.
gutschiere = fahren
schnütze = sausen
