Scho wiider hed me d Minderhäite vergässe. Jetz. Wo d Masken und d Zertifikat falle. Was mache jetz alli die Massnahmekritiker? Jetz, wo s nüt me zum uusrüeffe git. Wo me nümm mit wytte Gwänder und Schamane-Tambourines gegen alles und irgend öbbis hed chönnen ummemuule. Wo me mit Chuehglooge hed chönne gegen e Staat aabimble. Notabene dä Staat, wo zum e groosse Däil die kuurlige Dryychleschwinger füettered. Ich bi aber sicher, as prezyys dä Staat nöimen es Kässeli uufduet, wo die armen Uusrüeffer entschäädiged. Nit as sy no zu Sozialfäll wäärde.
uusrüeffe = protestieren
kuurlig = eigenartig
