Es git se no. D Kämpfer für die äigeni Sach. Soo zum Byspiil das chlyyne Drüppli Massnahmekritiker mit Chinder, wo in äim Schnutz und bi Struubelwätter vo Gälterchinde no Sissach dipplet syy. Dört sy sy von eren andere Massnahmekritikerin mit Suppe und Wurscht verpfläggt worde. Halt fascht e chly esoo, wie amme d Äidgenosse noon ere verlorene Schlacht. Mit em Underschiid, ass by den Äidgenosse chuum Chinder derbyy ghaa hed. Worum bi däm heldehafte Marsch uf Sissech d Goofe häi müese mittschalpe, wüssen allwääg numme d Öltere.
In äim Schnutz = im Nu
Struubelwätter = Sauwetter
