Ich bi do letschti hinder emene Schindlebygger dryygloffe. Notabene uf em Drottwaar. E jungi Ryttere, wo nit gritten isch, hed s Ross an der Halftere gfüehrt. Underäinisch loot de Griss e ghöörigi Laadig Rossböllen uf s Drottwaar lo pflättere. Jetz froog ich mii: Darf de Goggi daas? Joo. Allwääg scho. Schlussemäänd sy d Rossbölle jo vegan – und vegan isch jo hüttigsdags soumeessig modärn.
Drottwaar = Trottoir
Schindlebygger = abgemagertes Pferd
Griss = graues Pferd
Goggi = Gaul
