Näi. Nit daas, wo dir jetz mendet. As mir scho glyy dä Corona-Huudel chönnen apzieh. Es goht um die Zuttel, wo an de FCB-Spiil für Grampool soorgge. Äntlige, mues me sääge, sy sy us em Corona-Dieffschlooff verwache. Jetz macht doch s Zuug- und Autibusfahre wiider Fröid. Wenn der Bierbüchsen um d Biire fliege und die drottzlige Tschoope der halb Bus uusenander nääme. Aber no vill schlimmer sy d Chindermäitli mit ihrem Grüem, wo sette zu de Göiggel luege. Alles nit so schlimm, sääge sy. Die Junge bruuche halt au ihri Freihäit. Genau.
Huudel =Lappen
Grampool = Radau
Tschoope = bedauernswerte Menschen
Grüem = Lobhudelei
