Fascht wiene Vehgschau – halt numme mit Auti. Wie Muetterchüeh sy die aufgmotzten Auti vo den Autilöigeli vor ere Wuche z Sissech in Räih und Gliid gstande. Drummumme sy d Buure, in öisem Fall d Autiposer, gstande. Häi die andere Bolyyden aagluegt. Was het dä, won ich nit haa? Glyych halt wie anere Vehgschau, wenn d Buure nyydisch ufs Utter vo der Noochberchueh luege. An öbbis häi die Autiliebhaber, wo z Sissech illegal zäämechoo syy, nit dänkt. As 50 Meter nääbedraa der Polizeiboschten isch. Und so isch noonere Stund fertig gsii mit ummebraschte.
Vehgschau = Viehschau
Löigeli = einfacher, leicht dümmlicher Mensch
Poser = das isch käi Baslelbieterdütsch. Das sy Mensche, wo der Autiuuspuff lieber häi as alles anderi uf der Wält.