Was lääbe mer doch inere verchehrte Wält. Doo drotte über 5000 Mensche, wo unzfriide sy mit de Massnahme gege Corona, in wysse Schutzaazüg duur Lieschtel. Worum in Schutzaazüg? Wär wäiss. Velicht häi sy Angscht ghaa, sii wurde vo öbberem mit Corona aagsteckt. Corona, wo s jo nach ihrer Mäinig gar nit git. Während z Lieschtel e Tschuppele wie Usseriirdischi duurs Stedtli tschalppe, duet me z Sissech Freiwilligi uf Corona teschte. Soo vercheert isch öisi Wält efange. Die äinti luege, as sich das Virus fröhlich cha verbräite, und die andere häi der Arsch voll z due, Corona in Griff überzchoo.
schäärpis = verkehrt
drotte = schwerfällig gehen
