Bis jetz bin ich überzüggt gsii, as d Fraue s Wichtigscht sy uf der Wält. Joo. Bis d Fraue z Basel am Frauedaag häi welle demonstriere. Doo hedene aber die nöi Regierigsröötene – joo, e Frau – d Hüehner yydoo. Nüt do mit Randaliere, hed sy lo usrichte. Will s e Däil vo de Frauen aber nit hed chönne lo syy, hed ene d Tschuggerei ghöörig uf s Dach gee. E chly anderscht isch zue und hääre gange, wo über 5000 root-blaui Schuttverruckti vor em Joggeli zerscht demonstriert und noochaane e Lumpede duuregfüehrt häi. Das zäigt halt, as Schutte scho non e chly wichtiger isch as d Fraue.
D Hüehner yydoo – den Tarif durchgegeben
Lumpede = überbordendes Fest
