Was isch der Underschiid zwüschenem windige Egomaan vo änefer am Däich und em eehemoolig Dätschmäischter von ere groosse Sissecher Armature-Buude? Ganz äifach. Der JR, so häisst der Scheff vo de Wasserhähne, hed nit lo noochzelle. Er isch nämmlig bi de Sissecher Gmäindrootswahle vor siibe Johr wääge zwee myggerige Stimme weeniger as der Geegekandidat nit in Gmäindroot gwehlt worde. Das zäigt, as men au mit Grössi und Charakter verliere chaa.
windig = charakterlos
myggerig = dürftig, gering
Dätschmäischter = das isch dämm Fall dää, wo luegt, as d Hähne nit säiche
