Es wird alsfott schwiiriger, der Überblick z bhalte. Uf der äinte Sytte sy d Zyttige voll mit Noochrichte vom Döipeli vo den USA. Dört laufft jo im Momänt e huffe chrümmli.
Uf der andere Sytte hets jeede Daag e baar nöi Rootschleeg, wie me set mit em Corona-Virus umgoh. Es riise Chrüüsimüüsi. So wies usgseht, hed sich aber scho my Grossätti drüber ufgreggt, wenn albott e nöi Brunz in der Zyttig gstanden isch. Er hed albe gsäit: « Denn chunnt en anderi Chue und schysst non e gröössere Blätter.»
chrümmli = wenn etwas schief läuft
Chrüüsimüüsi = Wirrwarr
Denn chunnt en anderi Chue und schysst non e gröössere Blätter = es wird wieder etwas Neues aktuell
