Der Noldi vom Chlöpfgatterhof het sich dermit apgfunde, as er alsfott weeniger Hoor uf em Chopf hed. Es isch öbbis anders, won er bis jetz no nit erlickt hed. Worum gheijen äim d Hoor uf em Chopf uus und d Naasehoor wärden alsfott lenger, froggt är sich. Es isch doch wohr, säit er. Zoobe vor em Spiegel döigi är albe d Hoor, wo us der Naase luege, fyynsüberlig apscheerle. Luegi är denn am Moorgge druf wiider in Spiegel, lampi wiider son es gruusigs Hoor us der Naase. Daas döig är denn wiider apgnäggle. Und prezyys: Zoobe geechi s Theater denn vo vorne loos.
erlicke = begreifen
scheerle = mit einer kleinen Schere schneiden
