Es hed jo müese choo. As Ghöör käi Schaade nimmt, müese d Zuschauer und die Aktive am Sissacher Fasnechtsumzuug Ghöörschutzpfröpfe in d Oore mache. Es syg halt schon efange gaar lut an der Fasnecht, hed der Ghöörschutz-Verantwortlig vom Kanton gsäit. Ich fröi my scho, wenn noonem Umzuug z Sissech statt Konfetti überall so Ooretampon ummeligge – voll mit yydröchnetem Ooreschmalz.
Konfetti = in Basel: Räppli, im St. Galler Rheintal: Punscherli; bunte Papierschnipsel, die vorwiegend bei Kindergeburtstagen oder Hochzeiten in die Luft geworfen werden. Basel bildet da eine Ausnahme. Dort werfen sauglatte Waggis tonnenweise Räppli auf die Leute – und finden das erst noch lustig.
Fasnechtsumzuug = in Basel: Cortège
