Aber näi au. E soo öbbis. Das glaubi jo nit. Jetz gits doch würklig Regrutte, wo Bier in ihre Frässpäckli häi, wo sy in d Regrutteschuel überchömme. Nit öbbe alkehoolfreis Bier. Näi. Richtigs Bier, wo ihne d Braaui schicke, wenn d Regrutte oortelig frooge. Nit Studäntefuetter, e Daafele Milchschoggi oder e halbverdröchnete Landjeeger wäi die zuekümpftige Däätel. Näi. Bier mues es syy. Wie wäi mir e Chrieg günne, wenn d Regrutte Bier im Frässpäckli häi?
oortelig = anständig
Däätel = einfacher Soldat
