D Lääsekompetänz vo de Schwyzer Schüeleryyne und Schüeler nimmt ab. Das zäigt die nöischti Pisa-Studie. Das isch natüürlig Chutzemischt. Nit d Schüeler sy tschuld, as sy alsfott schlächter chönne lääse. Mir Alte sy tschuld. Mir, wo ändloos langi, emäänd no mit yygschoobene Sätz und apsunderlige Satzzäiche, Bandwüürm mache und am Schluss denn sälber nümm wüsse, wo der Aafang uufhört. Oder esoo. Doo chönne doch die Junge nüt derfür, wenn se die Art zschryybe eender an Rune, as an lääserlichs Dütsch maant.
Chutzemischt = Blödsinn
apsunderlig = absonderlich
maane = erinnern