Jetz wäiss ich äntlige, was e kreativi Idee isch. Mängisch mües me e weeni kreativ syy, hed e Nidwaldner FDP-Ständeroot im Färnseh gsäit. Är schloot voor, as Gmäinde de Bäärggbahne selle d Schneekanone und Späichersee zahle. Getröi em Motto vo der FDP: «Mehr Freihäit – weeniger Staat». In der Oberbaselbieter Mundart gits käis Wort für kreativ. Villichter sy d Rammel äifach nit so yyfallsryych gsii, wie dä buureschlau Nidwaldner oder häi, was eenter möglig isch, nit deere Furzydee.
villichter = vielleicht
Furzidee = eine spinnerte Idee
