Es isch erscht e baar Wuche häär, do sy d Chinder mit lüüchtende Öigli vor em Wienechtsbaum gstande. D Cheerzli häi gstraalt und es isch Friide gsii. De Chinder hed me mit e huffen wohre und halbwohre Gschichten erkläärt, wohäär der Wienechtsbaum chunnt und wäär as der Baum in d Stuube gstellt und gschmückt hed. Mii neem jetz no Wunder, wie me de Chinder erkläärt, as noo der Wienecht die apdagglete Dännli äinsaam und verlassen am Stroosserand liggen und druuf warte, as sy entsoorggt wäärde.
Öigli = Äuglein
apdagglet = abgetakelt
