E Studie säit, as mes Erbguet vo de Neandertaler no hütte bimene Däil vo de Möntsche chönni optisch erkenne. Won ich das glääse haa, isch mer underäinisch klaar worde, as ich vor de Feschtdääg der äint oder die ander Neandertaler aadroffe haa. Soo, wie sich nämmlig e Däil Blääch und Walchi vor em Laadedisch in der Metzgerei ufgfüehrt häi, hed me schos Gfüehl ghaa, do döigen non e baar Neandertaler-Gen schlööffele.
Blääch = ungeschlachte Frau
Walchi = unanständiger Mann
schlööffele = schlummern
