Was für en Uneer. Hüür isch an der Baasler Faasnecht e frömdi Guggemuusig ooni Larffen underwäggs gsii. Aber: ooni Larffe wer jo no gange. Näi, die Usswärtige Fötzel us Witterswil – wo chäibs isch Witterswil – häi sogaar no d Grinder aagmoolt ghaa. E schampaar schäntligi faasnächtligi Entglöisig. Jetz isch das son e Sach mit der Larffe, speziell mit em Aabhalte. Chunnt nämmlig z Baasel e Guggen in e Bäiz yyne, zie die mäischte Güggler noonem erschte Stück d Larffen ap. Im Underschiid zue der Witterswiler-Gugge chömme den aber nit aagmoolti, näi, halt scho eender bläichi Grinder undefüre.
Uneer = Schande
schäntlig = schändlich
