Ou, doo hets aber letschte Frytig z Sissech e baar hinderegstreelt. Um sii umme isch nämmlig gschossen und bülvered worde, as ene alli Zeecheneegel ufgstellt hed. Vor luter Schiss häi sii der Bollis aaglüüte. Die isch denn, zääme mit der Füürweer, im Wald ummegkchäärlet, go z luege, wär as in der Geegend ummebülvered. Gfunde häi sii nüt. Hätte die Reklamieri, statt duzwytt ans Deelifoon z hange, en öltere Sissecher gfroggt, hätt dä iine chönne sääge, as alles halb so schlimm isch. As e baar Burschte, wo no an olte Tradizioone feschtheebe, z Hochzytt gschosse häi. Das isch halt, wenn men alsfott mee Zuezoogeni im Dorf hed, wo vo nüt en Aanig häi.
Hochzytt-Schiesse = Mit heftigen Detonationen wird der Bevölkerung kundgetan, dass anderntags jemand vor den Traualtar tritt
Bollis = Polizei
