Er hed äim scho fascht e chly duured, wo der höchschti Flieger-Scheff am Fäärnsee hed müese sääge, as der grösser Däil vom Volch näi gsäit häigi zu de nöie Flugi. IIch wäiss, wies in iim innen usgsee hed. Iich haa nämmlig au schon emool e Flieger verloore, daas, won iich uf der Bettmeralp in e Ferie gsii bii. Es isch son e Blaschtig-Flugi gsii, wo me miteme Gummiband hed chönne lo schnättere. Öbbe 148 Mool ischs guet gangen und der Flieger hed e schygge Cheer gmacht. S 149. Mool isch dä chäibe Flugi aber in Bettmersee apgstürzt – fascht esoo wien em Bundesroot Muurer syni «Gripen».
schnättere = ohne zu bremsen fahren lassen
schygg = elegant
