Äigedlig sys woori Chöischtler. Näi, ich mäin nit die, wo mit emene Bämsel Faarp uf e Lyynwand schlarggen oder alte Grümpel zäämeschwäissen und denn e Springbrunne druus mache. Iich mäin die, wos fertig bringe, uf der Schyyssirolle äis munzigs Hüüsli-Bapyyrfötzeli für z loo. Schon e Kuscht, wie sie s immer wiider bräiche, as prezyys grad äis Fötzeli für blybt, noodäm sii iires Gschäft verrichted häi. Dä, wo noochhär iine chunnt, darf denn d Rollen entsoorggen und e nöii aanedue – wenn s denn äini het!
Chöischtler = Künstler
Bämsel = Pinsel
