Aso näi. Soo öbbis. Jetz fliegt der FC Baasel nach Russland und der Egüpter Mohamed Elneny hed voorhär nüt z Moorgge gässe. S Fluugzüüg mues z Berlin nidsi, as äin vo de Biidröier allwäg hed chönne gon es Zmoorgge-Müesli chauffe. Jä nundefaane. Hets denn niemer in däm Veräin, wo däm Faraooneapkömmling säit, as er nit mit leerem Buuch setti in der Wältgschicht ummedüüse? Es goot allwäg nümm lang und me mues de Schütteler no sääge, as sii zum Schutte no sette Schuttschue aalegge und ene zäige, wie me z grächtem e Chnüppel in d Schuebäändel macht. Aso Eerlig: Die ganzi Situatioon mit deene verwöönte Schütteler, wo an gar nüt mee müesse dänke, isch doch Dumms chäibe Züüg.Aber schlussemänd hed me die jo zum schutte, und nit zum dänke aagstellt.
ummedüüse – herumfliegen
nidsi = runter
