Me würds gaar nit dänke, as in der Stadt au deeren Usuurp git. Aber soo wies usgseet, füert sich sit emene Rung en äinsame Baasler Groossroot wien e Rampass uf. Er reggt sich zum Byspiil drüber uuf, as syyni Guweer falsch aagschriibe syyge. Denn wetti är am liebschte d Baasler Faasnecht apschaffe, will iim e Schnitzelbänkler an Chaare gfaaren isch. Mit deerige Furzidee, wos duuraane nummen um iin goot, macht er sich sitemene Zyttli souwichtig. Jetz cha me sich natüürlig scho frooge, was son e Maa im Groosse Root z sueche hed. Aber doo drüber müessten allwääg die Uskumft gee, won iin gweelt häi.
Usuurp = unflätiger Mann
Guweer = Briefumschlag
