Jetz isch daas, wo me waartig gsii isch, yydroffe. Der Gsundhäitsdiräkter chunnt, nääbe syym Brässesprächer, no zwee anderi Spezialischten über, wo wüsse, wie men oordeli schwätzt. Die leere jetz – daas nit ganz ummesuscht – däm guete Maa, wenn me wie waas säit, oder wie me wenn waas säit, wenn me denn überhaupt öbbis z sääge hed. Doo chunnt äim syy Voorgänger z Sinn. Bi däm – as eehemoolige Schoofbuur – hed men au gmäint, dä wüssi nit, wie me z grächtem mitänander bällitschiert und ummgoot. Wenn me jetz aber syy Noochfolger gseet, merkt men underäinisch, as dää daas gar nit so lätz gmacht hed. Mängisch duurets halt e Rung, bis me merkt, waas äin würklig Wärt gsii isch.
waartig syy = erwarten
ummesuscht = gratis
