In schlächte Zytten ischs wichtig, as me zäämehebt. Das gseie miir am Byspiil vom Baaselbieter Gsundhäitsdiräkter. Fascht alles, won är aagattiget het, wird em duurtoo. Er wird vo allne Sytte gstopft und ginggt. Aber nit alli butze däm aarme Maa s Mösch. Die beede chrischtlige Barteie (CVP und EVP) hebe zuenem – duur dick und dünn. Schlussemänd häi sii – aber au e baar anderi, wos in der Zwüschezytt emänd wiider vergässe häi – em Stimmvolch dä guet Maa as Regierigsroot empfoole. Sälbetsmool. Drum darf nit syy, waas velicht isch. Und ebe drum heebe die, wo no allewyl ans Gueten im Mensch glaube, au deerewääg zääme.
aagattige = in Angriff nehmen
s Mösch butze = gehörig die Meinung sagen
