Ou. Jetz häi miir no äinisch Glück ghaa und syy hoorschaarff amenen Ungfell verbyychoo. Weeri die Stüürsach nit underschriibe worde, weeren allwäg d Määrebrätscher uus Dütschland mit Sääbelrasslen und vill Gschrei bi öis yygfalle. Und miir in der Schwyz? Miir häi nit emool me e Kavallerie, wo miir de Dütsche hätte chönne entgeege stelle. Miir häi jo nit emool rächti Fluugzüüg – säit ämmel der Muurer. Woorschyynlig hätte miir öises Land kampfloos müese de nördlige Noochberen überloo. Denn hätts allwäg zuekümftig statt Schnitzunddrunder nuume no «Grünkohl mit Pinkel» gee – iich maag gar nit drüber noochedänke.
Määrebrätscher = Kavallerist
Pinkel = geräucherte, grobkörnige Grützwurst!!
