Soo, s isch umme. No hangt der äint oder anderi Mölderi amene Laadäärnepfool und lacht in d Wältgschicht uuse – aber d Waalmetzgeden isch duure. Vill Nöis gits nit z brichte, usser, as öis Baaselbieter die nöchschte vier Joor vier Fraue zäige, wo der Baartli der Moscht hoolt. Denn isch miir no öbbis anders uufgfalle. Wenn me nämmlig – noodäm klaar gsii isch, wär uuf Bärn darf ¬- de Scheffe vo deene verschiidene Parteie zuegloost hed, häi alli gunne. Niemer hed verloore. Und daas ischs schöönen an der Politik: Au die, won e Gingg ans Bäi überchoo häi, häi schlussemäänd gunne. Es isch halt schon esoo: Mit e chlyy gutem Wille chaa men alles schöönreede!
gwooned = gewöhnt
zäige, wo der Baartli der Moscht hoolt = den Meister zeigen
