D Kchollege häi allwääg scho rächt ghaa. Iich hätt scho eender mit Stabhochspringe müese hööre. Jetz han ich s Gschänk. Es duet miir nämmlig scho lenger der lingg Flosse hueremeessig wee. Iich haa gchüüderled, gsalbed, yybunde, Fuessbeeder gnoo und öbbe drei Duube „Unguentolan“ an Fuess gschmiirt. Es hed aber alles nüt gnützt: Schlussemäänd han iich glyych zum Dokter müese. Dä hed myy Scheichen aagluegt und gsäit: Doo mache miir e „Brässlufthammer-Therapie“! Zerscht bin iich e chlyy verschrocke, bii denn aber froo gsii, as miir der Dokter nit e „Brässluftboorer-Therapie“ verschriibe hed.
hueremeessig = verdammt
chüüderle = umsorgen
