D Egipter syy tschuld. Die häi nämmlig dä Bockshornchleesoome verchauft, wo me druus Sprosse ziet. Bsunders in Dütschland häi sii wie Chleechüe riisigi Hüffe vo däm Chrutt verdrückt. Aber allwääg isch bi dem Soome öbbis nit ganz Bokch gsii. E Däil hed nämmlig noochaane zümftig der Dürlischletzer ghaa. Derbyy isch so Soomezüüg doch bsunders gsund – säägen ämmel d Gsundhäitsaposchtel. Denn ischs au glyych, wenn das Grüenfuetter vo soo wytt här aanegchärlet wird. Wichtig isch numme: gsund mues syy. Und wenn nit, syy äifach d Egipter tschuld.
Dürlischletzer = Durchfall
nit ganz Bokch = nicht ganz geheuer
