Der Kchampf isch verloore. D Hanfpalme in der Sissecher Begeegniszoone dörfe blyybe stoo. Der Gmäindroot hed noome lange Gfächt gegen e bockbäinige Mitbürger und vier Palme müesen uufgee. No isch aber nüt verloore. Der Chrieg goot wytter. Die sächs Rööt und d Röötene häi nämmlig uusegfunde, as nääbe de Palme no wytteri fremdi Strüücher und Böimli in der Begeegnigszoone wuechere: Es chlyys Thujiastrüüchli, zwee Bonsailoorebeeri, en Olivebaum und e Kanabisstuude. Diir gsäiet: No isch der Chrieg nit verloore. Es isch erscht äi Schlacht in d Hoose gange. Und syy denn äinisch alli fremde Böim apgholzt isch Friide und es chäärle nummen no Auti in der Begeegnigszoone umme.
kchample = streiten
bockbäinig = widerspenstig
