Doo gseet me wiider äinisch, wie sich d Zyyten ändere, oder ebbe nit.
Wenn di früecher nöime lächerlich gemacht hesch, denn hed men albe gsäit: Jetz hed är es Zwöi am Rugge.
Sodeeli. Jetz nämmed emool aa, dir häisset *Buser oder *Gysi, lyydet an chronischer Sälbschtüberschetzig und pflüümled irgend e Brätterbuuden in d Gegend. Für e Huffe fröömde Chlütter stellet dir es Stadion uuf und käi Sou goot aane. Denn chas gschnäll bassiere, as dir underäinisch es Nüüni am Rugge häit.
Will die **zwee aber so richtig Apgschlaageni syy, häi nit die sälber s Nüüni am Rugge. Näi, s isch wie albe. Um s Ummeluege häi mir wiider s Zwöi am Rugge. Mir müesse nämmlig die Brätter zaale.
Gälled. Dir häits gschmöckt. D Zytte si immer no die glyychlige. Oder öbbe nit?
9. = nüünti = neunte
*Namen erfunden
** Namen immer noch erfunden
