Die letschti Wuchen isch e Wurzebürschte z Sissech uf Bsuech gsi.
Guet. Dir häit jo rächt. E Blocher isch käi Wurzebürschte. Aber es git halt im Baselbieter Mundart käi gschyyden Uusdruck für e Blocher. Chan ich jo au nüt drfür.
Er hed de Frauen und Manne ghöörig ins Gwüsse greedet und e huffe Gwaaggen an d Wand gmoolt. Vo Zygüüner in Woonwääge. Frömdi, wo dr ganz Daag numme würde bättle, nüt wäi schaffen und hinder öisem Gäld häär syyge. Alles soumeessig schlimm und schröcklig. Wenn das so wytter geechi, würdi d Schwyz langsam aber sicher verlumpe.
D Lüt häi mit offene Müüler zuegloost und numme mit de Chöpf gnickt.
Ich froog mii jetz aber, was schlussemäänd schlimmer isch für öises Land.
Zygüüner in Woonwääge oder gschniigledi Bänkler, wo im Flieger (Erschtklass) zu öis chömme?
Wurzebürschte = grobe Bürste
Zygüüner = Zigeuner
