Jetz han is dene Buurerammel aber zeigt. Das weeri jo no schööner. Was mende die äigedlig?
Ich bi äxtra us dr Stadt ufs Land zooge, will ich mi Ruei will ha und jetz meine die Güllerugger doch würklich, die chönne iiri dottligi Hofdier im Züüg lo umme möögge. Die selle besser bsoorggt si, as keine Chuepflätter uf dr Strooss het.
Jedesmool, wenn dr Güggel uf es Huehn chlääderet, loot dän äs hueremessigs Gragööl ab. Wenn ich jedesmool son es Gschiess würd mache.
Und denn allewyyl das Chuegloggegegschäll. In aller Herrgottsfrüeiji graagle die blööde Chüe über d Weid und vollfüere mit iirem Gebimbel e Höllechrach, as aim vor luuter Schreck fascht zum Bett uus jättet.
Jetz isch aber fertig mit däm Gmöögg und Gläärm. Em Güggel hett me dr Grind abgschlaagen und d Chüe hett me verschosse.
Nääbenyyne: Das mit de Chilleglogge stelle mir au no ab!
Gschwälli = Geck
graagle = kriechen
