No däm, as e hübsche Büschel Drüübel usglääse hesch, kämpfsch di mit em Yychaufswaage zwüsche zännende Goofe, zwee Huusfraue, wo d Noochbere duurehäächle und schnäädernde Gschirrlyysi an d Kasse duure. Dört erwaarteti die e Jumpfere, wo imenen unglaubliche Tämpo s Total vo dyyne Ychäuf ussrächne loot. Digital, wie sich das hütt ghöört. De byygsch also alli dini Yychäuf schön gattlig uf s Laufband und s Kassefröllain ziet alles über d Liechtschranke. Numme die cheibe Drüübel wei nit rächt. Scho lyycht gnäärft, ziet sie di gspeerigi Drüübelbeeri no zwöi-, drüümool zimmlig rabiaat duure, bis an dr Kasse dr Bryys aagit.
Vor luuter Juufle bim Versoorgge vo dä Komissioone vergiss ich no d Kumuluscharte z zeige.
As mir bim Häimlauffe bständig Druubesaft us em Yychaufsgäärnli dropft, muess jo di gueti Frau an dr Kasse nit intressiere.
zänne = heulen
Gschirrlyysi = schlampige Frau
juufle = hasten
