nit di Banndääg, wo Chind und Chäigel mitschuene und es riisigs Gragööl ablöije.
Mir meine di richtige Banndääg. Dört, wo d Manne no under sich syy. Mit döörffe höchschtens e baar Drachtemäitli, wo de Gebrächlichen über di oofedüürige Stäi hälffe und d Nöibürger verschmützle.
Dr Räscht vo dr Rotte schuenet bi Räägewätter über apheldigi Chräächen oder, wenn d Sunnen aabebrääglet, fluechend em Schatte nooch. As Dank gits nach son eren unglaubliche, sportliche Läischtig denn e suure Ranzechlemmer und e Wampe zeechs Suppefleisch Zum Desseer loot denn e lyycht aagheiterete Schütz, öbben e Meter nääben dyynen Oore, no syy Vorderlaader lo chrache.
Es git äigetlig numme no öbbis Äärggers, as üübersüünige Schütze. Richtig. Bürgerrööt mit Blaschtigfliider am Huet.
Banndaag = Ablaufen der Grenzen, in mehr oder weniger alkoholisiertem Zustand
Gragööl = Lärm
oofedüürig = gross
apheldig = abschüssig
Wampe = grosses Stück
