Wie müelig s Lääbe von ere Prominänten isch, zäigt s Byspiil vo der Dominique Rinderknecht, der ehemoolige Miss-Schweiz. Scho der Wächsel von ere männlige Bekanntschaft zun ere Fründyyn und wiider zrugg isch nit lyycht gsii. Denn hed die gueti Frau underäinisch käi Fläisch me gässe und isch «voll» Veganere worde. Aber au mit däm isch jetz Schluss. Sit nöischtem mofflet sy wiider Fläisch – natüürlig nummen us artgrächter Haltig. Guet. Das mit em Fläisch chan ich verstooh. Schliesslig häisst die Jumpfere jo au Rinderknecht.
müelig = mühsam
moffle = essen
